முன்பு, ஒரு நிறுவனம் வெளிநாடுகளில் இருந்து வேலையாட்களை அமர்த்தினால், அந்த நிறுவனத்தின் சிங்கப்பூர் ஊழியர்களுக்கு குறைந்தபட்சம் S$1,400 சம்பளம் கொடுக்கப்படுவதை உறுதி செய்ய வேண்டும்.
ஆனால், 2024 ஜூலை 1 முதல், இந்த குறைந்தபட்ச தொகை S$1,600 ஆக உயர்த்தப்பட்டுள்ளது. இது 14% சம்பள உயர்வு என்று சொல்லலாம்.
மேலும், பகுதிநேர ஊழியர்கள் ஒரு மணி நேரத்திற்கு பெறும் ஊதியம் S$9 இல் இருந்து S$10.50 ஆக அதிகரித்துள்ளது.
இந்த மாற்றம் ஏன் என்று நிதி அமைச்சர் திரு. லாரன்ஸ் வோங், பட்ஜெட் உரையின்போது தெளிவுபடுத்தினார். பொதுவாக மக்கள் சம்பாதிக்கும் தொகை அதிகரித்து வருவதே இதற்கு காரணம்.
வெளிநாட்டு ஊழியர்களை வைத்திருக்கும் அனைத்து நிறுவனங்களும் தங்கள் சிங்கப்பூர் ஊழியர்களுக்குக் குறைந்தபட்ச ஊதியத்தை வழங்குவதை அரசாங்கம் கட்டாயமாக்கியுள்ளது. மனிதவள அமைச்சகம் (MOM) இந்தத் தகுதி ஊதிய வரம்பை (qualifying wages) நிர்ணயிக்கிறது.
மேலும் வாசிக்க
