சிங்கப்பூரில் வேலை தேடுபவர்கள் பல தேர்வுகளை சந்திக்க வேண்டியிருக்கிறது. ஆனால், பலருக்கு ‘டிரெய்னிங் எம்ப்ளாய்மென்ட் பாஸ்’ (TEP) பற்றி தெரிந்திருக்க வாய்ப்பில்லை. இது தற்போதைய சூழலில் ஒரு நல்ல வழிமுறையாக இருக்கிறது.
சமீபத்தில், சிங்கப்பூர் இந்த தேர்வுக்கான இடங்களின் எண்ணிக்கையை குறைத்துவிட்டது. அதனால், தகுதி பெறுவது கடினமாகி வருகிறது.
இந்த இடக்குறைவு மற்றும் S-Pass விசா வாங்குவதில் உள்ள கஷ்டம் ஆகியவற்றை கணக்கில் கொண்டால், TEP விசா ஒரு நடைமுறைக்கு உகந்த தேர்வாக இருக்கிறது.
இந்த அனுமதி, மூன்று மாதங்கள் வரை செல்லுபடியாகும். இதனை மேலும் நீட்டிக்க முடியாது என்பது இங்கு குறிப்பிடத்தக்கது.
இதற்கு விண்ணப்பிப்பவர்கள், சிங்கப்பூரில் பதிவு செய்யப்பட்ட ஒரு நிறுவனத்தின் அங்கீகாரம் (sponsorship) பெற்றிருக்க வேண்டும் என கூறப்படுகிறது.
இது, வணிகம் மற்றும் திறன் சார்ந்த பரிமாற்றத்திற்கு சிங்கப்பூர் அளிக்கும் முக்கியத்துவத்தை வலியுறுத்துகிறது. பயிற்சி பெறுபவரின் அனுபவத்திற்கு ஏற்ப நிறுவனங்கள் சம்பளம் வழங்கும்.
விண்ணப்பம் செய்வது மிகவும் எளிதானதாகும். சிங்கப்பூர் அரசின் மனிதவள அமைச்சகத்தின் (MOM) இணையதளம் மூலம் செய்யலாம்.
கடவுச்சீட்டு விவரங்கள், புகைப்படம், கல்விச் சான்றிதழ்கள், பயிற்சிக் காலத்தில் என்னவெல்லாம் கற்றுக்கொள்ளப் போகிறீர்கள் என்பதற்கான திட்டம் போன்றவற்றை சமர்ப்பிக்க வேண்டும்.
விண்ணப்பக் கட்டணம் மற்றும் அனுமதிக் கட்டணம் சேர்த்து $330 ஆகும். தேவைப்பட்டால், பல்முறை நுழைவு விசாவுக்கும் தனியாகக் கட்டணம் உண்டு. தொழில் எதிர்காலத்தை செழுமைப்படுத்தப் போகும் இந்த அனுபவத்திற்கு இவை ஒரு சிறு முதலீடுதான்.
இந்த பயிற்சிக் காலத்தில் வேறு நிறுவனத்திற்கு மாற முடியாது என்பதை கவனத்தில் கொள்ள வேண்டும்.
பயிற்சி முடிந்ததும், நிறுவனம் இந்த அனுமதியை ரத்து செய்ய வேண்டும். இது, குறிப்பிட்ட அந்தப் பயிற்சிக்கு மட்டும்தான் என்ற நிபந்தனையை வலியுறுத்துகிறது.
TEP மூலம் வேலை செய்பவர்கள், ஓவர் டைம் உட்பட அதிகபட்சமாக $1800 முதல் $2200 சிங்கப்பூர் டாலர் வரை மாத சம்பளம் பெறலாம். தங்கும் காலத்திற்கு தற்காலிக அடையாள அட்டையும் வழங்கப்படும்.
ஆனால், TEP விசாவை நீட்டிக்க தான் முடியாது. சிங்கப்பூரில் தொடர்ந்து வேலை செய்ய வேண்டுமெனில், நீங்கள் சொந்த நாடு திரும்பி, வேறு ஏதாவது பணி அனுமதி பெற்று மீண்டும் விண்ணப்பிக்க வேண்டியிருக்கும் என்பதைக் கவனத்திற்கொள்ள வேண்டும்.
மேலும், சிங்கப்பூரில் இருக்கும் குறுகிய காலத்திலும், அந்நாட்டுச் சட்ட திட்டங்களை மதித்து நடப்பது அவசியம் ஆகும்.
மேலும் வாசிக்க
- யாரெல்லாம் சிங்கப்பூரில் Dependent Pass (DP) எடுக்கலாம்? வேலை வாய்ப்புகள் DPயில் இருந்தால் எப்படி இருக்கும்?
- சிங்கப்பூர் வர ஏஜெண்ட்டிடம் பணம் கொடுக்கிறீர்களா? முதலில் ஏஜென்சி நம்பகமானது தானா என்று தெரியணுமா?
- இந்தியாவில் டெஸ்ட் அடிக்காமல் சிங்கப்பூர் வந்த பிறகு டெஸ்ட் அடித்து வேலைக்கு சேரனுமா?வழிமுறை இதோ!
- சிங்கப்பூரில் ONE Passயில் குறைந்தபட்சம் S$30,000 சம்பளம்! 4,200 வெளிநாட்டவர்களுக்கு அனுமதி
- ஜூலை முதல் வெளிநாட்டு ஊழியர்களை வேலைக்கு அமர்த்தினால் ஊழியர்களுக்கு சம்பள உயர்வு
